Ribberennet 28. desember

Postet av Liatoppen Skisenter den 3. Jan 2024

Torpo IL arrangerte 28. desember Ribberennet i fristil på Liatoppen. Rennet var for alle klassar frå 8 år til senior og hadde som tidlegare år ei innlagt "puddingklasse". Denne gongen gjekk rennet i realt vinterføre og 221 deltakarar stilte til start. Marte Mikkelsplass, Bromma IL var raskaste kvinne på 10-kilometeren, medan Aleksander Elde Holmboe, Bærums Verk var raskaste mann på same distanse. 

I puddingklassa stilte også kjente skinamn på start der vinnarane vart Ine Wigernes, Øystre Slidre IL og evigunge Tore Bjerkrheim, Nesbyen IL. Distansen her var 5 kilometer. 

Resultatliste Ribberennet 2023



Sparebankstiftelsen Hallingdal med 350.000 kroner til nye lysmaster på stadion og nytt lys i lysløypa

Postet av Liatoppen Skisenter den 28. Nov 2022

Lampene i lysløypa har vore i bruk sidan lysløypa vart bygd for over 30 år sidan. Desse har gjort ei god teneste i mange år, men teknologien har gått vidare og moderne lamper er meir energieffektive og gir samstundes eit mykje betre lys. På stadion har det vore ei utfordring å arrangere kveldsrenn då lystilhøva ikkje har vore dei beste. Dette er det no retta etter at Sparebankstiftelsen Hallingdal har gitt Liatoppen skisenter ei gåve på kr 350.000 til nye lysmaster på stadion og nytt lys i lysløypa.

Utstyret er no montert og vil gi både brukarar og arrangørar betre lys på kveldstid. Stor takk til Sparebankstiftelsen Hallingdal for gåva!



Sparebankstiftelsen Hallingdal gir støtte til løypekøyring på Votndalsåsen

Postet av Liatoppen Skisenter den 7. Apr 2022


Sparebankstiftelsen Hallingdal er den største eigaren av eigenkapitalbevis i SpareBank 1 Hallingdal Valdres. Stiftelsen gir årleg driftsstøtte til løypelag i Hallingdal og Valdres. Liatoppen skisenter er tildelt kr 21.300 for 2022. Dette tilskotet er eit viktig bidrag til løypekøyringa i området i tillegg til innbetaling frå hytteeigarar og brukarar av løypenettet i området.

Meir informasjon om SpareBankstiftelsen Hallingdal sitt arbeid og tildelingar er å finne på stiftelsen si nettside.

Liatoppen skisenter takkar for støtta!



Ribberennet 2021

Postet av Liatoppen Skisenter den 23. Des 2021

Torpo IL arrangerte Ribberennet den 28. desember på Liatoppen. Rennet gjekk i fristil og var for klassane frå og med 8 år til og med junior. 

Godt over 200 deltakarar stilte til start fordelt på 3 kohortar for å ivareta pålagte smitteverntiltak.

Meir informasjon om rennet er tilgjengeleg på Torpo IL sine nettsider.

Startliste Ribberennet

Resultatliste Ribberennet 2021




Webkamera er midlertidig ute av drift

Postet av Liatoppen Skisenter den 13. Nov 2019

Me har ei tid hatt problem med at webkamera berre sender bilete i svart/kvit og ikkje i farger. Dette er det jobba med, men ikkje løyst enno. I samband med feilsøking har me fått problem med opplasting av bileta til vår nettside slik at desse ikkje blir oppdatert. 

Skisesongen er litt i gang på Liatoppen. Rulleskiløypa (1,0 km) er pr. i dag (13. november) preparert med snøscooter og kan brukast til fristil.