Har kome litt snø dei siste dagane og i dag er løypene opp til 3,3 km preparert for skøyting. Framleis litt lite snø, så vent med å bruke dei beste skia til seinare. Mogeleg at fleire løyper blir preparert i løpet av helga. God tur!

Kraftig vind i fjellet gjorde at årets utgåve av Bergsjørennet måtte gå i alternativ trase med start og mål på Liatoppen. For dei som deltok var ikkje vinden verre enn at det vart ein fin tur.

Dagens raskaste i fristil vart Andrejs Rastojujevs frå Latvia. I klassisk var det Tommy R Wilhelmsen frå IL Bevern/NTG Geilo som gjekk av med seieren. Av damene var Sissel Stave, ÅL IL raskast i fristil og Agnes Karlseng frå Lyn i klassisk.

Resultatliste Bergsjørennet 2014

Siste helga i mars arrangerte Ål IL - langrenn sitt årlege Ål-renn på Liatoppen. Rennet går i fristil og hadde denne gongen 106 deltakarar.

Resultatliste Ål-rennet 2014

Nok ein gong har Liatoppen skisenter vore arena for verdas største skiskyttarrenn. Denne gongen med 227 stafettlag og 1150 deltakarar påmeldt. Nokre fall frå fram til start, men på laurdagen var rekordmange 1105 unge skiskyttarar på start. All informasjon om festivalen ligg på heimesidene www.liatoppenskiskytterfestival.no 

Årets resultat:
Larsen-stafetten 2014
Bendit Liatoppen Skiskytterfestival 2014 - laurdag
Bendit Liatoppen Skiskytterfestival 2014 - sundag

Det nærmar seg slutten av skisesongen og på Liatoppen skal det gjennomførast mange skirenn før påskeferien startar. Den 29. mars arrangerer Ål IL sitt årlege landsrenn i langrenn, Ål-rennet. Rennet går i fristil og er for alle klassar. Meir informasjon om rennet ligg på laget sine nettsider.

Påfølgjande helg, 4.-6. april blir det storinnrykk. Då er det klart for verdas største skiskyttarren, Bendit Liatoppen Skiskytterfestival med 1150 deltakarar og over 250 funksjonærar i sving for å gjennomføre arrangementet. Arrangementet har eigne nettsider.

Rennsesongen på Liatoppen blir avslutta med Bergsjørennet frå Bergsjøstølen til Liatoppen sundag 13. april (palmesundag). Eit turrenn i flott høgfjellsterreng som ein bør få med seg. Rennet har klassar for både klassisk og fristil eller ein kan ta det rett og slett som ein fin skitur.

Tysdag 18. mars arrangerte Ål skiskytterlag sitt klubbmesterskap på Liatoppen med nokre "gjesteløparar" frå Gol og Hemsedal.

Resultatliste: pdf

Torsdag 13. mars arrangerte Ål IL klubbmesterskap i langrenn på Liatoppen. På ein vindfull kveld, men med skarpt føre stilte 40 deltakarar til start.

Resultatliste:  pdf

Fjellet IL flytta årets stafett frå lysløypa i Leveld til Liatoppen pga. vanskar med å krysse elva pga. dårleg is. 38 lag med løparar i alderen 8-16 år stilte til start i dei ulike klassane.

Her er resultatlista frå stafetten:           pdf

Istilhøva i fjellet skapar litt utfordringar for løypekøyringa denne vinteren. Turløypa som brukar å gå over Svartetjørn er på grunn av dårleg is og overvatn for tida ikkje mogeleg å preparere.

Også kryssing av elva Lya mellom Fekjastølen og Hellebu samt mellom Tormodset og Opheimsåsen er vanskeleg. Har kan løypetraseen bli flytta for å finne stader ein kan krysse på ein sikker måte.

Flotte forhold på Liatoppen då Fjellet IL og Ål IL inviterte til sonerenn i langrenn for Hallingdal denne måndagskvelden. Etter mykje snøver i lang tid, vart det denne kvelden fin temperatur, flott føre og gode løyper. 101 unge deltakarar stilte til start.

Resultatliste: Sonerenn Liatoppen

Ål Utvikling har laga ein flott film om det godt utbygde løypetilbodet i Ål kommune. Filmen kan sjåast her:

Det ligg an til ei stor skihelg på Liatoppen denne helga. Laurdag 22. februar går Fjellet-stafetten på Liatoppen. Denne stafetten arrangerer vanlegvis Fjellet IL i Leveld, men i år har ikkje elva som må kryssast frose til og dei flyttar difor denne populære stafetten til Liatoppen.

Meir informasjon om stafetten finn du på Fjellet IL si heimeside.

Sundag 23. februar arrangerer Torpo IL "Showrennet" i langrenn, eit sprintrenn i klassisk stil for 8-16 år med fellesstart og korte rundar. Same dag arrangerer dei også "Gaurhovdrennet", eit turrenn på 24 km med start og mål på Liatoppen. Rennet blir arrangert for 42. gong.

Meir informasjon om renna finn du på Torpo IL si heimeside.

Helga 11. og 12. januar arrangerte Ål skiskytterlag i sambarbeid med Drammen Strong og Bødalen IF SpareBank 1 cup i skiskyting med innlagt KM for Buskerud. Renna skulle opprinneleg gått på Hønefoss, men pga. snømangelen i låglandet tok desse klubbane over arrangementet. Rundt 275 deltakarar frå både aust og vest stilte til start begge dagane.

Laurdag vart normalprogram avvikla. Tåka kom snikande utover dagen og gjorde det til tider nokså vanskeleg å sjå blinkane så godt som ein brukar. Sundag var det sprint for nybyrjarane og fellesstart for 11 år og eldre. Mange tette og flotte duellar på skytebanen og i løypa denne dagen. Kaldt, men fint vintervær ga ei fin ramme rundt arrangementet.

Her er resultat frå renna:
SpareBank 1 Cup - normal 11.01.14
SpareBank 1 Cup - sprint og fellesstart 12.01.14

Helga 4. og 5. januar hadde Ål skiskytterlag si årvisse skisamling på Liatoppen. Denne gongen var alle laga i Ål kommune invitert. Gledeleg at det vart godt oppmøte og stor aktivitet i løypene.

Samlinga vart avslutta med testløp på sundag ettermiddag. Her er resultatlista frå rennet:

140105 Testrenn langrenn og skiskyting